உதவுங்கள் பூச்செண்டாக...

முத்துராமன். 33 வயது இளைஞர். நல்ல எழுத்தாளர், சிறுகதையாளர். பழகுவதற்கு வெகு இனிமையானவர். மனித நேயம் மிக்கவர். தமிழின் பிரபல முன்னணி எழுத்தாளர்கள் பலருடனும் நல்ல பரிச்சயம் இவருக்கு உண்டு.

இவரது சிறுகதைகள் கல்கி, குமுதம் ஜங்ஷன் உள்ளிட்ட சில பத்திரிகைகளிலும், தமிழ்சிஃபி, சமாச்சார், தமிழோவியம் உள்ளிட்ட சில இணைய தளங்களிலும் வெளியாகியிருக்கின்றன. வெகுஜன பத்திரிகைகள் பலவற்றில் கட்டுரைகளும் எழுதி வருகிறார்.

‘சதுரங்கச் சிப்பாய்கள்’ என்ற இவரது சிறுகதைத் தொகுப்பு கிழக்கு பதிப்பகம் மூலம் வெளியாகி பரவலான வரவேற்பைப் பெற்றது. அந்நூலின் முன்னுரையில் பிரபல எழுத்தாளர் அசோகமித்திரன, ‘இவரது சிறுகதைகளின் தொனி அடக்கமானது. புனைகதையில் அடக்கம், இன்னும் இந்தியரிடையே பழக்கப்படவில்லை. முத்துராமன் இந்தியப் புனைகதையில் அடக்கமான தொனி நிலைபெற ஒரு காரணமாயிருப்பார் என்ற நம்பிக்கை தோன்றுகிறது’ என்று குறிப்பிட்டிருக்கிறார்.

மேலும் கலைவாணர் என்.எஸ். கிருஷ்ணனின் வாழ்க்கையைச் சொல்லும் ‘சிரிப்பு டாக்டர்’ என்ற நூலை எழுதியிருக்கிறார். பகத் சிங்கின் வரலாறைச் சொல்லும் ‘துப்பாக்கி விடு தூது’ என்ற புத்தகத்தையும் எழுதியிருக்கிறார்.

முத்துராமன் தற்போது சிறுநீரக நோயினால் அவதிப்பட்டு வருகிறார். இரண்டு சிறுநீரகங்களும் பழுதடைந்த நிலையில் தற்போது தாற்காலிகமாக ‘டயாலிஸிஸ்’ சிகிச்சை எடுத்து வருகிறார். இவரின் சிறுநீரக மாற்று அறுவை சிகிச்சை மற்றும் அதற்குப் பிறகான மருத்துவச் செலவுகளுக்கு ரூபாய் நான்கு லட்சத்துக்கும் மேல் தேவைப்படுகிறது.

கிழக்கு பதிப்பகத்தில் பணிபுரியும் நண்பர் முகிலும், இந்த விவரத்தை அவரின் இணையதளத்தில் உதவி கேட்டு வெளியிட்டுள்ளார். இணையத்தில் வெளியாகியுள்ள அந்த இணைப்புகளின் விவரம்...

உதவி தேவை

நன்றி

எழுத்துலக நண்பர்களும் வாசகர்களும், தங்களால் இயன்ற உதவியை அவருக்குச் செய்து உதவுமாறு அன்புடன் வேண்டுகிறேன். ‘சிரிப்பு டாக்டர்’ எழுதிய அந்தக் கலைஞனின் வாழ்விலும் புன்னகைப் பூக்கள் மலரட்டும். நம் உதவியானது ஒரு பூச்செண்டாக மாறி, அவரின் வாழ்வைப் பூத்துக் குலுங்கச் செய்யட்டும்.

அன்புடன்,
சைதை முரளி.

முத்துராமனுடைய வங்கிக் கணக்கு எண் :

SBI Mogappair Branch – A/c No: 30963258849
Branch Code : 5090
MICR No: 600002118
IFS Code : SBI 0005090

MUTHURAMAN என்ற பெயரில் காசோலை / டிராஃப்ட்கள் கொடுக்கலாம்.

முகவரி :

முத்துராமன்,
22, எச்.ஐ.ஜி. ப்ளாட்,
7வது தெரு, ஏரித்திட்டம்,
முகப்பேர் மேற்கு,
சென்னை – 600037.
muthuraman@gmail.com